03 noy 10:41
Yangiliklar
![](/upload/storage/48001_220.jpg)
Bugun AIBA prezidentligi uchun saylov bo'lib o'tadi: Rahimovmi yoki Kanakbaev?
Bugun Kongressning ikkinchi kunidagi eng muhim masala bu shubhasiz AIBA prezidentligiga bo'ladigan saylovdir. Tashkilot rahbarligiga o'zbekistonlik G'ofur Rahimov hamda qozog'istonlik Serik Kanakbaev o'z nomzodlarini qo'yishgan.
Ayni paytda G'ofur Ahmedovich Rahimov AIBA rahbari vazifasini bajaruvchi lavozimida faoliyat yuritmoqda. Kanakbaev esa Osiyo boks Konfederaciyasi prezidenti bo'lib turibdi. Bugungi saylovda G'ofur Rahimovga omad tilaymiz.
Rejaga ko'ra, bugun soat 10:00 (Toshkentda 12:00)da Kongressning ikkinchi kuni boshlanadi. Saylov jarayoniga qadar kun tartibidan bir nechta masalalarning ko'rib chiqilishi ham o'rin olgan. Saylov natijasi malum bo'lganidan so'ng AIBAning yangi prezidenti so'zga chiqadi. Keyin 2020 yilgi Kongressning qachon va qaerda o'tkazilishi ham elon qilinadi.
Malumot uchun, G'ofur Ahmedov 1951 yilning 22 iyul kuni Toshkent shahrida dunyoga kelgan. 1993-1998 yillar oralig'ida O'zbekiston boks federaciyasi vice-prezidenti lavozimida ishlagan. 1998 yili AIBA Ijroqo'mi azosi bo'lgan. 1999 yili Osiyo Olimpiya Kengashi vice-prezidenti, 2002 yili AIBA vice-prezidenti, 2010 yili Osiyo boks konfederaciyasi prezidenti lavozimida faoliyatini davom ettirgan. 2018 yilning 28 yanvaridan to shu kungacha AIBA prezidenti vazifasini bajaruvchi lavozimida ishlab kelyapti.
Kamoliddin ALIMOV, Moskva, Rossiya Federaciyasi
Fikrlar