Bugun Baku Grand Slam boshlanadi, dzyudochilarimizning raqiblari malum

Ushbu musobaqada sayyoramizning 5 ta qitasi 57 davlatidan jami 449 (266 erkak, 183 ayol) nafar dzyudochi ishtirok etyapti. Odatdagidek erkaklar va ayollar 7 tadan vazn toifasida bahslarga kirishishadi. 

Xabar berganimizdek, Baku Grand Slam 2019 musobaqasida uch nafar o'zbekistonlik dzyudochilar - Muhiddin Tilovov, SHahzod Sobirov va Obidxon Numonov yurtimiz sharafini himoya qilishadi. 

Qura natijasiga ko'ra, -66 kg vazn toifasidagi dzyudochimiz Muhiddin Tilovov birinchi davrada qatarlik Ayub Elidrissiga qarshi tatamiga chiqadi. Agar g'alaba qozona olsa, uni ikkinchi bosqichda belgiyalik Kennet Van Gansbeke kutib oladi. 

-73 kg vazndagi vakilimiz Obidxon Numonov o'z ishtirokini ikkinchi davradan boshlaydi. U bu bosqichda mezbon sportchi Hidayat Xeydarov bilan bellashadi. 

-90 kg vazn toifasidagi polvonimiz SHahzod Sobirov birinchi bosqichdan bahslarga kirishadi. Uning ilk raqibi britaniyalik Jamal Petgrav bo'ladi. 

Dzyudochilarimizning raqiblari:

-66 kg: Muhiddin Tilovov - Ayub Elidrissi (Qatar) birinchi bosqich

-73 kg: Obidxon Numonov - Hidayat Xeydarov (Ozarbayjon) ikkinchi bosqich

-90 kg: SHahzod Sobirov - Jamal Petgrav (Buyuk Britaniya) birinchi bosqich