Bugun Bekzod Abdurahmonov va G'ulomjon Abdullaev yangi vaznda gilamga chiqadi (Juftliklar)

Bugun O'zbekiston erkin kurash terma jamoasining 6 nafar vakili musobaqa medallari hamda muhim reyting ochkolari uchun bahslarga kirishadi. Tokio Olimpiadasi sovrindori Bekzod Abdurahmonov vaznini 12 kilogrammga ko'tardi va bugun u 86 kg vazn toifasida gilamga chiqadi. U dekabr oyida aynan shu vaznda debyut qilgan va O'zbekiston chempioni bo'lgan edi. 

SHuningdek, bugungi bellashuvlarda yana bir Tokio Olimpiadasi ishtirokchisi G'ulomjon Abdullaev ham o'zi uchun yangi vaznda ishtirok etadi. Qizig'i, 65 kg vazndagi ikki kurashchimiz Abbos Rahmonov va Umidjon Jalolov 1/8 finaldayoq bir-birlari bilan to'qnash kelishlari mumkin. Buning uchun Jalolov ilk kvalifikaciya bahsida ozarbayjonlik Ali Rahimzodani mag'lub etishi lozim. SHunda ikki yurtdoshimiz 1/8 finalda uchrashishadi. Bu vazndagi uchinchi vakilimiz Nodir Rahimov esa ilk saralash bosqichida ruminiyalik Nikolay Oxlopkovga qarshi bahs olib boradi.  

Erkin kurashchilarimizning ilk raqiblari: 

61 kg: G'ulomjon Abdullaev - Kabbar Duyum (Turkiya)

65 kg: Umidjon Jalolov - Alim Rahimzoda (Ozarbayjon)

65 kg: 1/8 final: Abbos Rahmonov - Umidjon Jalolov / Alim Rahimzoda (Ozarbayjon)

65 kg: Nodir Rahimov - Nikolay Oxlopkov (Ruminiya) 

74 kg: Asomiddin Hasanov - Pritam Pritam (Hindiston) 

86 kg: 1/8 final: Bekzod Abdurahmonov - Maksat Satibaldi (Qozog'iston)