Bugun Hasanboy Rahimov va Magomed Ibragimov Olimpiada licenziyasi uchun so'nggi urinishni amalga oshirishadi

Bugun musobaqaning oxirgi kuni Parij-2024 Olimpiadasining uchun so'nggi licenziyalar o'ynaladi. Kechagi bahslarda 1/4 finalda raqiblariga imkoniyatni boy berib qo'ygan Rio-2016 Olimpiadasining bronza medali sovrindori Magomed Ibragimov (-97 kg) hamda 125 kg vazndagi kurashchimiz Hasanboy Rahimov bugun so'nggi imkoniyatdan foydalanishga urinib ko'rishadi.  

Kurashchilarimizning baxtiga ularni mag'lub etgan polvonlar finalga chiqish barobarida Olimpiada licenziyasini ham qo'lga kiritishdi va kamiga hamyurtlarimizga ham imkoniyat taqdim etishdi. Faqat bundan foydalanish qoldi, xolos.

39 yoshli Magomed Ibragimov pley-offning ilk uchrashuvida makedoniyalik Magomedgadji Nurovga qarshi gilamga chiqadi. Bu juftlik g'olibini moldovalik Radu Leffer kutib turibdi. Leffer bilan bellashuv g'olibi esa so'nggi, Parij-2024 Olimpiadasiga licenziya taqdim etadigan final uchrashuviga yo'l oladi.  

-125 kg vaznda yurtimiz sharafini himoya qilayotgan Hasanboy Rahimov pley-offning ilk bosqichida yamaykalik Aaron Jonson bilan to'qnash keladi. G'olib chiqsa, uni Olimpiada yo'llanmasi uchun kechadigan yana ikkita bahs kutadi. Avvaliga vengriyalik Daniel Ligeti bilan to'qnash keladi. Yutsa, keyin final! Xullasi uchta g'alaba kerak!    

Demak, ikkita uchrashuvdagi g'alaba Ibragimovga ham, Rahimovga Parij eshiklarini ochadi. Umidjon Jalolovda esa umuman imkoniyat qolmadi. Hamyurtimizni mag'lub etgan hindistonlik Sujit finalga chiqa olmadi. Natijada bu vaznda Olimpiadada bizdan hech kim bo'lmaydi. 

Afsuski, Layloxon Sobirova va SHohida Ahmedova kecha o'tkazilgan pley-off bosqich uchrashuvlarida raqibalariga imkoniyatni boy berishdi.