Bugun ikki kurashchi-qizimiz bronza medali uchun bahs olib boradi

Bugun ayollar kurashi bo'yicha bellashuvlar davom ettiriladi. 57 kg vazn toifasida yurtimiz sharafini himoya qilayotgan Ulmeken Esenbaeva yarim finalda yaponiyalik Sovaka Uchidaga imkoniyatni boy (0-4) berib qo'ydi. Bugun u jahon chempionatining bronza medali uchun gilamga chiqadi. Ulmekenning raqibasi o'tish bellashuvlaridan so'ng aniqlanadi.

CHorak finalda hindistonlik Ritikaga yutqazgan Gulnura Ruslanova (43 kg) bugun bronza medali yo'lidagi o'tish bahsida italiyalik Melissa Dorofteyga qarshi gilamga chiqadi. G'alaba qozongan taqdirda, bronza medali uchun ukrainalik Anastasiya Polska bilan hisob-kitob qiladi.