09 apr 08:23
Yangiliklar

Dzyudo

Bugun jamoaviy bahslar o'tkaziladi. Birinchi bosqichdagi raqib - Turkmaniston!

Qirg'iziston poytaxti Bishkek shahrida dzyudo bo'yicha kattalar o'rtasidagi Osiyo-Okeaniya chempionati davom etmoqda.

Bugun jamoaviy bahslar o'tkaziladi va unda 6 ta ishtirokchi davlat terma jamoalari medallar uchun kurashga kirishadi. O'zbekiston terma jamoasi birinchi davrada turkmanistonlik dzyudochilarga qarshi tatamiga chiqadi. Ushbu juftlikni keyingi bosqichda Janubiy Koreya terma jamoasi kutib turibdi.

Xitoy Koreya singari to'g'ridan-to'g'ri ikkinchi davradan bahslarga qo'shiladi. Ikkinchi juftlikda Qirg'iziston va Qozog'iston terma jamoalari ro'baro' keladi.

Malumot uchun, jamoaviy bahslarda dzyudochilar (erkaklar va ayollar) +70, +90, -57, -73, -70 hamda -90 kg vazn toifalarida o'zaro bellashadilar.