Bugun kurashchi qizimiz jahon chempionati medali uchun o'tish bahsida gilamga chiqadi

Kecha ayollar kurashi bo'yicha bahslarga start berildi. Musobaqadagi ishtirokini boshlagan kurashchi qizlarimizdan faqat bir nafari Jahon chempionati medali uchun kurashish imkoniyatini qo'lga kiritdi. 

55 kg vazn toifasida yurtimiz sharafini himoya qilayotgan Aysanem Kurbanbaeva bugun bronza medali uchun o'tish bahsida AQSH vakilasi Amani Emma Jonsga qarshi gilamga chiqadi. Hamyurtimiz g'alaba qozongan taqdirda ukrainalik Albina Rillia bilan bronza medali uchun bellashadi. Ushbu vaznda jahon chempionligi uchun bahs rossiyalik Arina Martinana hamda ruminiyalik Jorjiana Karla o'rtasida kechadi. 

Kechagi bellashuvlarda ishtirok etgan Sarbinaz Jienbaeva qirg'izistonlik Kaomira Bilimbek qiziga yutqazib qo'ydi. Bugun qolgan vazn toifalaridagi kurashchi qizlarimiz jahon chempionatidagi ishtiroklarini boshlashadi.