Bugun Layloxon, SHohida va Nabira Olimpiada licenziyasi uchun so'nggi urinishni amalga oshiradi

Ushbu musobaqada erkin, yunon-rum va ayollar kurashi vakillari Olimpiadaga yo'llanmani qo'lga kiritish uchun so'nggi imkoniyatdan foydalanishyapti. Kecha licenzion turnirning ilk kuni yunon-rum kurashi bo'yicha bellashuvlari boshlangandi. 

Afsuski, terma jamoamizning har ikki vakili Mahmud Baxshilloev va Jalgasbay Berdimuratov saralash bosqichidayoq mag'lubiyatga uchrab, Parij-2024 Olimpiadasi licenziyasini qo'lga kirita olishmagan edi. 

SHu tariqa, Parij-2024 Olimpiadasida yunon-rum kurashi bahslarida uch nafar vakilimiz - Islomjon Bahromov (-60 kg), Aram Vardanyan (-77 kg) va Rustam Assakalov (-97 kg) ishtirok etadigan bo'ldi. Bu ijobiy natija emas!

Bugun Istanbuldagi so'nggi licenzion turnirda 3 nafar kurashchi qizimiz Olimpiya o'yinlariga beriladigan so'nggi yo'llanmalar uchun bahslarga kirishadi. SHohida Ahmedova (-53 kg), Layloxon Sobirova (-57 kg) va Nabira Esenbaeva (-68 kg) Istanbul gilamlarida licenziyalar uchun bahslarga kirishadi.  

Kurashchi qizlarimiz uchun qura natijasi:

53 kg: Kvalifikaciya raundi. SHohida Ahmedova - Yusneyri Agrazal Vest (Panama)

57 kg: 1/8 final. Layloxon Sobirova - Ramona Galambos (Vengriya)/Alyona Kolesnik (Ozarbayjon)

68 kg: 1/8 final. Nabira Esenbaeva - Danute Domikaytite (Litva)/Linda Morais (Kanada)  

Eslatib o'tamiz, Abdurauf Bozorboev murabbiyligidagi ayollar kurashi terma jamoamiz Bishkekdagi Osiyo licenzion turnirida Olimpiadaga 1 ta yo'llanmani qo'lga kiritib, bu borada yangi tarix sahifasini ochgan edi. Aktenge Keunimjaeva (-50 kg) o'z yo'llanmasi bilan Olimpiadada qatnashadigan birinchi o'zbek kurashchi qizi sifatida tarixga kiradi.