Bugun Namanganda O'zbekiston chempionati start oladi

Uch kun davom etadigan musobaqada Qoraqalpog'iston Respublikasi, barcha viloyatlar hamda Toshkent shahridan kelgan istedodli dzyudochilar O'zbekiston chempionligi uchun bahs olib borishadi. 2001-2002 yillarda tavallud topgan dzyudochilar o'rtasida o'tadigan mamlakat chempionatida g'olib hamda sovrindorlar o'g'il bolalar va qizlar orasida 7 tadan vazn toifasida aniqlanadi.

Kecha O'zbekiston chempionatiga qura tashlash marosimi o'tkazildi. Onlayn tarzda o'tgan marosimda jami 427 nafar dzyudochi o'zlarining ilk raqiblarini bilib olishdi. Bugun o'g'il bolalar -60, -66, qizlar esa -48, -52 va -57 kg vazn toifalarida tatamiga chiqishadi.