Bugun Osiyo chempionatining so'nggi kuni yana 5 yunon-rum kurashchimizga muxlislik qilamiz

Bugun qita chempionatining so'nggi kuni yunon-rum kurashi bo'yicha yana 5 ta vazn toifasida g'olib va sovrindorlar nomi malum bo'ladi. Kechagi kungi bellashuvlarda klassiklarimizdan Doniyorxon Nakibov (-77 kg) va Rahimjon Uzoqov (-87 kg) bronza medallarini qo'lga kiritishdi. Bronza medali uchun gilamga chiqqan Jasurbek Ortiqboev (-55 kg) va Islomjon Rahmatov (-130 kg) raqiblariga imkoniyatni boy berishdi.  

Bugun Bishkek gilamlarida Ilhom Bahromov (-60 kg), SHermuhammad SHaribjonov (-67 kg), Abdullo Aliev (-72 kg), Muhammadqodir Rasulov (-82 kg) va Abduqodir Jalilov (-97 kg) Osiyo chempionati medallari uchun kurashishadi. 

Besh kunlik bellashuvlar yakuniga ko'ra hali sport kurashlari terma jamoamizda oltin medal yo'q. Erkin kurashchilarimiz 2 ta kumush, 1 ta bronza medalini qo'lga kiritishgan bo'lsa, yunon-rum kurashchilarimiz kecha 2 ta bronza medalini terma jamoamizga taqdim etishdi. Ayollar kurashi vakilalalari esa O'zbekistonga quruq qo'l bilan qaytishdi.  

Bugun kurashadigan klassiklarimiz uchun qura natijalari:   

-60 kg: 1/8 final. Ilhom Bahromov - Xyok Song (KXDR)/Ali Abbas Albidxan (Iroq)

-67 kg: Kvalifikaciya raundi. SHermuhammad SHaribjonov - Man Gvang Son (KXDR)

-72 kg: 1/4 final. Abdullo Aliev - Begmirat Nobatov (Turkmaniston)

-82 kg: 1/4 final. Muhammadqodir Rasulov - Sultan Ali Mohd Eyd (Iordaniya)/Evgeniy Polivadov (Qozog'iston)

-97 kg: Kvalifikaciya raundi. Abduqodir Jalilov - Badamdorj Baltmunh (Mo'g'uliston)