Bugun o'zining tavallud ayyomini nishonlayotgan Ruslan CHagaev Gigant Valuevni qanday mag'lub etgandi (FOTO+VIDEO)

Bugun Ruslan CHagaevning «Gigant» Nikolay Valuevni qanday mag'lub etganini yodga olamiz.

Jang sanasi: 2007.04.17

Jang manzili: “Porsche Arena” SHtutgart, Germaniya

Jang hakami: Luis Pabon

Jangga qadar bokschilarning natijasi:

Ruslan CHagaev 24 ta jang, 23 ta g'alaba, bitta bekor qilingan uchrashuv

Nikolay Valuev 46 ta jang, 46 ta g'alaba

Dastlabki ikki raundda har ikki bokschi ham ehtiyotkorlik bilan jangni o'tkazadi. Uchinchi raundda esa hamyurtmiz uzun bo'yli raqibiga birin-ketin kuchli zarbalar yo'llab, dovdiratib qo'yishga erishadi. 

4-5 raundda har ikki bokschi ham bir nechta aniq zarbalar berishga muvaffaq bo'lishgan. Oltinchi raundda CHagaev borgan sari masofani qisqartirgan holda Valuevni qiynashni boshlaydi. Jangning teng yarmi ortda qolayotgan bir vaqtda Nikolay imkoniyatni boy berayotganini his qilgan holda harakat qilishni boshlaydi, lekin Ruslan raqibning zarbalariga chap bergan holda kuchli “pushka”larni yo'llashda davom etadi.

Ettinchi raundda CHagaevning katta ustunligidan so'ng 8 va 9-raundlar biroz sokin o'tdi. 11-raundga kelganda esa chempionda charchoq alomatlari sezila boshladi, bundan esa bokschimiz unumli foydalangan holda raqibiga zarbalar yo'llashda davom etdi. SHu tariqa, o'n ikki raund davom etgan bahsda Ruslan mag'lubiyat nimaligini bilmay kelgan «Gigant» Valuevni taslim etib, WBA kamariga ega chiqqan.

To'liq jangni tomosha qiling

(TAS-IX emas)