Bugun Qudratillo Abduqahhorov Rossiyada ringga chiqadi

Avval xabar berganimizdek, oqshomning markaziy jangi Qudratillo Abduqahhorov ishtirokida o'tkaziladi. Hamyurtimiz mag'lubiyat nimaligini bilmay kelayotgan rossiyalik Pavel Sosulinga qarshi ringga ko'tariladi. 71 kilogrammgacha bo'lgan vazn toifasida tashkil etilayotgan ushbu jang 8 raund etib belgilangan. 

Malumot uchun, Papel Sosulin (8-0) prof ringda 8 ta jang o'tkazib, barchasida g'alaba qozongan. So'nggi 6 oy ichida Moskva, Serpuxova va Ufada tashkil etilgan boks oqshomlarida zafar quchgan. Abduqahhorov hisobida 20 g'alaba va 3 mag'lubiyat bor. Superyarim o'rta vazn toifasidagi bokschimiz shu oyning boshida AQSHda greciyalik Andres Kacurakis (13-0-0)ga hakamlarning noto'g'ri qarori bilan imkoniyatni boy berib qo'ygandi.

SHuningdek, Kirovdagi boks turnirida yana bir hamyurtimiz Begali Qirg'izboev ham o'z jangini o'tkazadi. 92 kg vazn toifasida o'tkaziladigan 4 raundlik jangda unga rossiyalik Artem Caturyan raqiblik qiladi. 

Janglar Toshkent vaqti bilan 18:00 da start oladi. Musobaqani "Match TV" telekanali translyaciya qiladi.