17 dek 08:46
Yangiliklar

Sport kurashlari

Bugun Rashid Qurbonov jahon Kubogidagi ishtirokini boshlaydi

SHu kunlarda Serbiya poytaxti Belgrad shahrida sport kurashlari bo'yicha jahon Kubogi davom etmoqda.

Kecha ushbu musobaqada erkin kurash bellashuvlari boshlandi. Jahon Kubogi shaxsiy hisobda o'tkazilayotgani hamda Evropadagi pandemik vaziyat tufayli O'zbekiston terma jamoasi Serbiyaga bormadi. Lekin u erda bir nafar kurashchimiz bo'ladi.

Erkin kurash bo'yicha jahon chempionati sovrindori, Osiyo o'yinlari g'olibi, ikki karra Osiyo chempioni Rashid Qurbonov jahon Kubogida yurtimiz sharafini himoya qiladi.

Qura natijasiga ko'ra u 1/8 finaldan bahslarga kirishadi va bu bosqichda germaniyalik Eduard Tatarinov bilan bellashadi. Agar Qurbonov ushbu bahsda raqibini mag'lubiyatga uchratsa, chorak finalda Ayub Barraj (Tunis) - Vasil Mixaylov (Ukraina) juftligi g'olibiga qarshi gilamga chiqadi.