12 iyu 08:35
Yangiliklar

Boks/MMA

Bugun Rio Olimpiadasi chempioni SHahobiddin Zoirov uzoq muddatdan keyin prof boksdagi navbatdagi jangini o'tkazadi

Teglar : SHahobiddin Zoirov IBA CHempionlar oqshomi

Bugun Rossiya Federaciyasining Serpuxov shahrida "IBA CHempionlar oqshomi" boks musobaqasi bo'lib o'tadi.

Oqshomning markaziy jangi og'ir vazn toifasida rossiyalik charm qo'lqop ustasi Muslim Gajimagomedov hamda Xitoy vakili Zaoxin CHjang o'rtasida WBA chempionlik kamari uchun kechadi.

Biz uchun ahamiyatlisi, turnirning asosiy kardida o'zbekistonlik bokschi, Rio-2016 Olimpiadasi g'olibi — SHahobiddin Zoirov ringga ko'tariladi. Hamyurtimizga rossiyalik taniqli bokschi Dmitriy Dvali raqib bo'ladi. Jang 53,5 kg vazn toifasida 8 raund etib belgilangan bo'lib, asosiy kardni ochib beradi. Ushbu jang natijasi bokschilarning professional rekordiga kiritiladi.

Serpuxov shahrida aynan ushbu musobaqa uchun mo'ljallab qurilgan "IBA Coliseum" majmuasida o'tadigan turnir Toshkent vaqti bilan soat 21:00 da boshlanadi.

Malumot uchun, SHahobiddin Zoirov shu kungacha prof boksda beshta jang o'tkazib, ularning barchasida g'alaba qozongan. U prof ringdagi so'nggi jangini 2022 yil 13 avgust kuni Toshkentda Gerson Lariosga qarshi o'tkazib, birinchi raunddayoq g'alaba qozongan edi.