Bugun SHahobiddin Zoirov Rio-2016 Olimpiadasi 1/2 finalidagi raqibiga qarshi ringga chiqadi. Madiyarni rus bokschisi kutib turibdi

Oqshomning asosiy jangi birinchi og'ir vazn toifasida sobiq jahon chempioni rossiyalik Murat Gassiev hamda superog'ir vaznda chempionlik kamari uchun sobiq davogar bolgariyalik Kubrat Pulev o'rtasida o'tkaziladi. O'n ikki raundlik jang g'olibi WBA Regular kamarini qo'lga kiritadi.  

Biz uchun ahamiyatlisi, IBA.PRO 13 turniri doirasida o'zbekistonlik ikki bokschi ham o'zlarining navbatdagi janglarini o'tkazadi. O'ta engil vazn toifasida 10 raund etib belgilangan jangda Olimpiada chempioni SHahobiddin Zoirov (5-0, 3 KO) venesuelalik Yoel Finol (3-0, 1 KO)ga qarshi ringga chiqadi. Jang IBA.PRO kamari uchun kechadi. Bu ikki bokschi Rio-2016 Olimpiadasi 1/2 finalida o'zaro to'qnash kelishgan va o'shanda charm qo'lqop ustamiz g'alaba qozongan edi. 

Dubaydagi prof boks oqshomi doirasida yana bir hamyurtimiz Madiya Saidrahimov (3-0, 1 KO) ham profesional ringdagi jangini o'tkazadi. Birinchi og'ir vazn toifasidagi bokschimiz 8 raundlik jangda rossiyalik David Dzukaev (11-0, 7 KO) bilan hisob-kitob qiladi. 

Har ikki bokschimiz kecha rasmiy tarozidan o'tish marosimida belgilangan vazn meyorini bajarishdi.  

Turnirning to'liq kardi:

1. Ayollar engil vazn toifasi, 8 raund: Estel Mosseli (Rio-2016 Olimpiadasi chempioni, 11-0-1, 1 KO, Franciya) – Ellen Simvaka (13-7-2, 8 KO, Malavi);

2. Ikkinchi o'ta engil vazn, 8 raund: Samuel Karmona (13-1, 5 KO, Ispaniya) – Immanuel Jozev (17-4-1, 7 KO, Namibiya);

3. Birinchi og'ir vazn, 8 raund: David Dzukaev (11-0, 7 KO, Rossiya) – Madiyar Saidrahimov (3-0, 1 KO, O'zbekiston);

4. Engil vazn, 10 raund, WBA Intercontinental kamari uchun: Daud Alaev (13-1, 7 KO, Rossiya) – Dodi Boy Pnyalosa (31-7-3, 13 KO, Filippin);

5. Yarim o'rta vazn, 10 raund, WBA Intercontinental kamari uchun: Xuseyn Baysangurov (25-1, 20 KO, Rossiya) – Fayzan Anvar (20-0, 9 KO, Hindiston); 

6. Superog'ir vazn, 8 raund, IBA.PRO Intercontinental kamari uchun: Artyom Suslenkov (13-0, 8 KO, Rossiya) – Stenli Rayt (14-1, 11 KO, AQSH);

7. O'rta vazn, 8 raund: Niko Ali Uolsh (11-2-1, 5 KO, AQSH) – Jeremaya Sservadda (12-4-1, 9 KO, Uganda).

8. Yarim o'rta vazn, 12 raund, IBO chempionlik kamari uchun: Vadim Musaev (13-0, 8 KO, Rossiya) – Tulani Mbenge (22-2, 16 KO, JAR);

9. Birinchi yarim o'rta vazn, 12 raund, WBA kamari uchun Eliminator jangi: Xariton Agrba (16-1, 9 KO, Rossiya) – Ruben Munoz (18-2, 14 KO, Argentina).

10. O'ta engil vazn, 10 raund, IBA.PRO kamari uchun: Yoel Finol (3-0, 1 KO, Venesuela) – SHahobiddin Zoirov (5-0, 3 KO, O'zbekiston). 

11. Engil vazn, 10 raund, WBA kamari uchun Eliminator jangi: Bahodur Usmonov (11-0, 5 KO, Tojikiston) – Maksi Xyuz (29-7-2, 6 KO, Buyuk Britaniya);

12. Superog'ir vazn, 12 raund, WBA Regular kamari uchun: Murat Gassiev (32-2, 25 KO, Rossiya) – Kubrat Pulev (32-3, 14 KO, Bolgariya).