Bugun SHahobiddin Zoirov va Jahongir Zokirov Venada ringga ko'tariladi

Biz uchun ahamiyatlisi, ushbu boks oqshomi doirasida ikki charm qo'lqop ustamiz - Rio-2016 Olimpiadasi chempioni SHahobiddin Zoirov hamda Bahodir Jalolovga izdosh sifatida qaralayotgan Jahongir Zokirov ham ringga ko'tariladi. 

Superog'ir vazn toifasdagi yosh bokschimiz Jahongir Zokirov albaniyalik Fabio Kasiuga qarshi IBA kamarining yarim finalida jang qilsa, Zoirov -54 kg vaznda ispaniyalik Samuel Karmona bilan to'qnash keladi. Ushbu juftlik g'olibi ham keyingi turnirda IBA kamari uchun ringga chiqish huquqini qo'lga kiritadi.

Eslatib o'tamiz, shu yil 14 aprel kuni Toshkentda o'tgan IBA CHempionlar oqshomining markaziy jangida hamyurtimiz Hasanboy Do'smatov aynan Samuel Karmonani 10 raund yakunlariga ko'ra ochkolar hisobi bo'yicha mag'lub etib, tashkilot kamarini qo'lga kiritgandi.

Venadagi boks turniri bizning vaqt bilan soat 22:00 da boshlanadi.