Bugun Tayson Fyuri Frensis Ngannuga qarshi jang qiladi! Super turnirning to'liq kardi, boshlanish vaqti va translyaciya malumoti bilan tanishing

Musobaqaning markaziy jangi og'ir vazn toifasida WBC kamari sohibi, britaniyalik Tayson Fyuri (33-0-1) hamda kamerunlik UFC sobiq jangchisi Frensis Ngannu (debyutant) o'rtasida bo'lib o'tadi. 10 raundlik jang WBC "Riyadh Champion" kamari uchun kechadi.

Janglar oqshomi Toshkent vaqti bilan 20:00 da boshlanishi rejalashtirilgan. Musobaqani LiveStream kanali orqali jonli efirda, o'zbek tilidagi sharh orqali tomosha qilishingiz mumkin.

Turnirning tasdiqlangan PPV kardi bilan tanishing:

Markaziy jang. Og'ir vaznda WBC "Riyadh Champion" kamari uchun, 10 raund: Tayson Fyuri (Buyuk Britaniya, 33-0-1) - Frensis Ngannu (Kamerun, debyutant)

Co main event. Og'ir vaznda 12 raundlik jang: Fabio Uordli (Buyuk Britaniya, 16-0-0) - Devid Adeleye (Buyuk Britaniya, 12-0-0)

Og'ir vaznda 10 raundlik jang: Jozef Parker (Yangi Zelandiya, 32-3-0) - Saymon Kin (Kanada, 23-1-0)

Og'ir vaznda 10 raundlik jang: Arslanbek Mahmudov (Rossiya, 17-0-0) - Junior Entoni Rayt (AQSH, 20-4-1)

Og'ir vaznda 6 raundlik jang: Mozes Itauma (Angliya, 5-0-0) - Istvan Bernat (Vengriya, 10-1-0).