26 may 07:43
Yangiliklar

Dzyudo

Bugun Termizda O'zbekiston Kubogi boshlanadi

Surxondaryo viloyati markazi Termiz shahri uch kun davomida dzyudo bo'yicha kattalar o'rtasidagi O'zbekiston Kubogiga mezbonlik qiladi.

Birozdan so'ng "Surxon Arena" sport saroyida start oladigan ushbu musobaqada Qoraqalpog'iston Respublikasi, barcha viloyatlar hamda Toshkent shahridan dzyudochilar g'oliblik yo'lida tatamiga chiqadilar.

Uch kun davom etadigan mamlakat kubogida ayni paytdagi o'z vazn toifalarining birinchi raqamli dzyudochilari ishtirok etmaydi. Ular hozirda Samarqand va Toshkent viloyatida o'tkazilayotgan o'quv-mashg'ulot yig'inlarida Gruziya hamda Xorvatiyadagi xalqaro turnirlarga tayyorgarlik ko'rishyapti.

Bugun musobaqaning birinchi kuni erkaklar o'rtasida -60, -66, ayollarda esa -48, -52 va -57 kg vazn toifalarida g'olib hamda sovrindorlar nomi malum bo'ladi.