Bugun Toshkentda WBC tashkilotining 61-Konvenciyasi o'z ishini boshlaydi

Yil yakunlanib borar ekan, barcha soha va yo'nalishlarda bo'lgani kabi WBC tashkiloti ham o'zining yillik faoliyati sarhisobi hamda rejalarini muhokama qiladi. O'tgan yili tashkilotning 60-Konvenciyasi Meksikada o'tkazilgan va aynan o'sha tadbirda navbatdagi Konvenciya mezbonligi Toshkent shahriga ishonib topshirilgandi. 

Yilning eng muhim boks tadbirida qatnashish uchun yurtimizga yuzdan ziyod mamlakatdan delegatlar keldi. O'zbekistonda WBC tashkil etilganligining 60 yilligi ham nishonlanadi. SHu kungacha Konvenciya Meksikadan tashqari AQSH, Evropa mamlakatlarida tashkil etilgan. MDH mamlakatlari orasida Boku (Ozarbayjon) va Moskva (Rossiya) shaharlari ham ushbu tadbirga mezbonlik qilgan. Osiyo davlatlari orasida Tailand, Yaponiya ham WBC konvenciyasini qabul qilgan. Markaziy Osiyo davlatlari orasida biz birinchi bo'lyapmiz. 

WBC 61-konvenciyasi kun tartibidan talim, doping, hakamlik, xalqaro munosabatlar, boks qoidalari, reytinglar, chempionlik kamarlari, xayriya va jamoat tashabbuslari kabi bir nechta masalalar bo'yicha yig'ishlar o'tkazilishi o'rin olgan. Bugun soat 10:00da poytaxtmizdagi "Hilton" mehmonxonasida Konvenciya o'z ishini boshlaydi. Tadbir yakunlanishi bilan ommaviy axborot vositalari xodimlari uchun matbuot anjumani ham o'tkaziladi. 

SHuningdek, yurtimizga kelgan mehmonlar qadim va hamisha navqiron Samarqand shahrida ham bo'lishadi. Yulduzli mehmonlar yosh bokschilarga o'z mahorat saboqlarini ulashishadi. 17 noyabr kuni muhtasham "Humo Arena"da katta professional boks kechasi bo'lib o'tadi. Ushbu turnir O'zbekistonning LIFT promouterlik kompaniyasi tomonidan tashkil etilyapti. Oqshomning markaziy jangi superog'ir vaznda o'tkazilib, unda hamyurtimiz Bahodir Jalolov JAR vakili Kris Tompsonga qarshi ringga ko'tariladi.