Bugun uch nafar erkin kurashchimiz Parij-2024 Olimpiadasi licenziyasi uchun kurashga kirishadi

Jahon licenzion turnirida har uchchala yo'nalish bo'yicha terma jamoalarimiz yo'llanmalar uchun bahs olib borayotgani haqida xabar bergan edik. Afsuski, yunon-rum kurashchilarimizning har ikkisi (Mahmud Baxshilloev va Jalgasbay Berdimuratov) bu imkoniyatdan foydalana olmadi. 

Ayollar kurashidagi uch nafar vakilamizdan ikkisida (Layloxon Sobirova, SHohida Ahmedova) Olimpiada chiptasi uchun imkoniyat saqlanib qoldi. Ular bugun Parij-2024 licenziyasi uchun kurashni pley-off bosqichida davom ettirishadi. 

SHuningdek, bugundan erkin kurash musobaqasiga ham start beriladi. Olimpiada licenziyasi uchun 3 nafar erkin kurashchilarimiz bahslarga kirishishadi. Ular Bishkekdagi Osiyo licenzion turnirida bu imkoniyatdan foydalana olmagan edilar. 

-65 kg vazn toifasida yoshlar o'rtasidagi barcha musobaqalarda g'olib bo'lishga muvaffaq bo'lgan Umidjon Jalolov, -97 kg vaznda eng tajribali kurashchimiz, Rio-2016 Olimpiadasi bronza medali sovrindori 39 yoshli Magomed Ibragimov hamda -125 kg vaznda Hasanboy Rahimov Istanbul gilamlarida yurtimiz sharafini himoya qiladi.    

Erkin kurashchilarimiz uchun qura natijalari:

-65 kg: 1/16 final. Umidjon Jalolov - Sujit Sujit (Hindiston)

-97 kg: Kvalilifkaciya raundi. Magomed Ibragimov - Adlan Visxanov (Franciya)

-125 kg: Kvalilifkaciya raundi. Hasanboy Rahimov - Paris Karepi (Albaniya) 

Licenziyani qo'lga kiritgan erkin kurashchilarimiz:

-57 kg: G'ulomjon Abdullaev

-74 kg: Bekzod Abdurahmonov

-86 kg: Javrail SHapiev