23 noy 08:25
Yangiliklar

Dzyudo

Bugun "Universal" saroyida O'zbekiston chempionati start oladi

Bugun poytaxtimizdagi "Universal" sport saroyi dzyudo bo'yicha kattalar o'rtasidagi O'zbekiston chempionatiga mezbonlik qila boshlaydi.

Qoraqalpog'iston Respublikasi, barcha viloyatlar hamda Toshkent shahridan jam bo'lgan sara dzyudochilar uch kun davomida jami 14 ta (7 ta ayollar, 7 ta erkaklar) vaznda yilni O'zbekiston chempioni sifatida yakunlash uchun bahs olib boradi.

Bugun erkaklar o'rtasida -60, -66, ayollarda esa -48, -52, -57 kg vazn toifalarida g'olib va sovrindorlar nomi malum bo'ladi. Saralash bellashuvlari soat 10:00da boshlanadi.

Bugungi murosasiz bahslarda "Universal" sport saroyiga tashrif buyuradigan muxlislar aka-uka Sardor va Kemran Nurillaev, Dilshodbek Baratov, Muhriddin Tilovov, Sita Kadambaeva, Xalimajon Qurbonova, Gulnur Muratbaeva, Nilufar Ermaganbetova, SHukurjon Aminova singari terma jamoamiz azolarining chiqishlariga guvoh bo'lishadi.