Bugun Vengriyada sport kurashlari bo'yicha reyting seriyasiga kiruvchi turnir boshlanadi

Erkin, yunon-rum va ayollar kurashi bo'yicha o'tkaziladigan ushbu musobaqada O'zbekiston terma jamoasi ham ishtirok etadi. Kecha turnirga qura tashlash marosimi bo'lib o'tdi. Bugun musobaqaning ilk kuni erkin kurash bo'yicha bellashuvlar o'tkaziladi. 

Bugun 57, 61, 65, 70, 79 va 125 kg vazn toifalarida g'olib hamda sovrindorlar aniqlanadi. Ertaga esa 74, 86 va 92 kg vaznlarda saralash va final bahslari tashkil etiladi. 125 kg vaznda kurashishi kerak bo'lgan Hasanboy Rahimovga viza chiqmaganligi aytilmoqda va shu sabab bilan eng og'ir vaznli erkin kurashchimiz musobaqaga bormagan.  

Bugun Parij-2024 Olimpiadasi licenzianti G'ulomjon Abdullaev (57 kg) va yana bir istedodli kurashchimiz Umidjon Jalolovga muxlislik qilamiz. Abdullaev ilk davradayoq eronlik Ali Hosseyn Momenjujadehga qarshi gilamga chiqadi. Hamyurtimiz eronlik raqibidan o'ta olsa, uni 1/4 finalda ozarbayjonlik Aliabbas Rzazade kutib turibdi. 65 kg vazndagi bellashuvlar aylana tarzida tashkil etiladi. Jalolov Vengriya, Ozarbayjon va Yaponiya kurashchilariga qarshi bahs olib boradi. 

Bugun kurashadigan erkin kurashchilarimiz uchun qura natijalari:

57 kg. kvalifikaciya raundi: G'ulomjon Abdullaev - Ali Hosseyn Momenjujadeh (Eron)

65 kg. 1-ranud: Umidjon Jalolov - Ismail Musukaev (Vengriya)  

2-raund: Umidjon Jalolov - Haji Aliev (Ozarbayjon)

3-raund: Umidjon Jalolov - Kotaro Kiyuka (Yaponiya)