Bugun WBO Oriental kamari sohibi Olimjon Nazarov va yana bir hamyurtimiz Abdurasul Ismoilov Koreyada ringga ko'tariladi

Xabar berganimizdek, musobaqa doirasida ikki nafar vakilimiz jang qiladi.

Jumladan, o'ta engil vazn toifasida WBO Oriental kamari sohibi Olimjon Nazarov (28-5-0) ushbu turnir doirasida xitoylik Vulan Tuolehazi (15-5-2) bilan jang qiladi.

Bundan tashqari, birinchi yarim o'rta vazn toifasidagi hamyurtimiz Abdurasul Ismoilov (10-2-0) ham ushbu turnir doirasida ringga ko'tariladi. Unga yana bir Xitoy vakili Veyvey Liu (4-2-0) raqiblik qiladi.

Janglar kechasi Toshkent vaqti bilan 14:00 da start oladi. Musobaqani mazkur sahifa orqali kuzatib borishingiz mumkin.

Eslatib o'tamiz, Olimjon Nazarov so'nggi jangini 2023 yil yanvar oyida tailandlik Jakravut Majungonga qarshi o'tkazib, ochkolar hisobiga ko'ra g'alaba qozongan edi. Bu Nazarov uchun ettinchi himoya jangi bo'ladi.

Abdurasul Ismoilov esa oxirgi jangini 2023 yil avgust oyida yaponiyalik Koki Inouega qarshi o'tkazib, muddatidan oldin mag'lub bo'lgan edi.

Turnirning to'liq kardi: