22 dek 09:26
Yangiliklar

Sport kurashlari

Bugun yunon-rum kurashi bo'yicha yana 5 ta vaznda O'zbekiston chempionlari aniqlanadi

Poytaxtimiz erkin va yunon-rum kurashi bo'yicha kattalar o'rtasidagi O'zbekiston chempionatiga mezbonlik qilmoqda.

"Universal" sport majmuasida o'tkazilayotgan yilning so'nggi musobaqasida Qoraqalpog'iston Respublikasi, barcha viloyatlar hamda Toshkent shahridan 500 nafarga yaqin kurashchilar to'rt kun davomida medallar uchun kurash olib boryaptilar.

Bugun chempionatning ikkinchi kuni yunon-rum kurashida qolgan 5 ta vazn toifasida O'zbekiston chempionatining g'olib va sovrindorlari nomi malum bo'ladi. Mamlakat chempionatida Tokio Olimpiadasi ishtirokchilarining ham qatnashishi bellashuvlarning murosasiz kechishini taminlamoqda.

Bugungi saralash bellashuvlari soat 10:00da, final bahslari esa soat 16:00da boshlanadi.