Butun dunyoga xavf solayotgan virus borasida seminar tashkil etildi

COVID-2019 koronavirusi bugungi kungacha 115 ta davlatga kirib bordi. Hozirgacha bu virusdan kasallanganlar soni 110 ming kishidan oshib ketdi, shuningdek, kasallik 4 mingdan ortiq kishini bu hayotdan olib ketdi.

Bu virus bilan kasallanganlar O'zbekistonda qayd etilmagan bo'lsa-da, mamlakatimizga uning kirib kelishining oldini olish uchun barcha kerakli ishlar amalga oshirilmoqda. Aholi qatlami orasida tushuntirish ishlari olib borilayapti.

Jumladan, Farg'ona ixtisoslashtirilgan olimpiya zaxiraliri maktab internatining majlislar zalida sportchi yoshlar o'rtasida koronavirus infekciyasining yuqishini oldini olishga qaratilgan seminar bo'lib o'tdi.

Mazkur seminarda Farg'ona viloyati sanitariya-epidemiologik osoyishtalik markazining masul xodimlari hamda Farg'ona viloyati Jismoniy tarbiya va sport boshqarmasining tegishli xodimlari ishtirok etdi.

Seminar davomida sportchi yoshlarga koronavirus va unga chalingan bemorning holati haqida to'liq malumot berilib, undan saqlanish borasida ishlab chiqilgan tavsiyalar bilan tanishtirildi.