11 mar 07:20
Yangiliklar
Boshqalar, Tadbirlar
Butunjahon antidoping agentligi vakillari Toshkentga kelishdi
9-10 mart kunlari poytaxtimizga Butunjahon antidoping agentligi (WADA)ning Milliy va Mintaqaviy antidoping tashkilotlari bilan aloqalar bo'yicha direktor o'rinbosari Tom Mey va ushbu tashkilotlar bilan aloqa bo'yicha menejeri Francisko Leonlar tashrif buyurishdi.
Mehmonlarni O'zbekiston
Respublikasi Jismoniy tarbiya va sport davlat qo'mitasi rais o'rinbosari
Farxod Turdiev va Milliy olimpiya qo'mitasi Bosh kotibi Oybek Kasimovlar
kutib olishdi.
Malumki, Xalqaro
Olimpiya qo'mitasi (XOQ) va Butunjahon antidoping agentligi (WADA)
2003-yilning fevralida Antidoping Kodeksi tashkil etilganligi xaqida
rasman elon qilgan va bu xaqda barcha Milliy olimpiya qo'mitalariga xabar
yo'llagandi. Keyinchalik butun dunyodagi Milliy olimpiya qo'mitalari bu
tashabbusni qo'llab quvvatladilar va mazkur muhim hujjatni imzolashga tayyor
ekanliklarini bildirdilar.
![]()
2003-yilning 3-5 mart
kunlari Kopengagen (Daniya) shahrida bo'lib o'tgan sportda dopingga qarshi
kurash mavzusidagi Konferenciyada Xalqaro Olimpiya qo'mitasi, Xalqaro sport
federaciyalari va qator Milliy olimpiya qo'mitalari vakillari ishtirokida
antidoping Kodeksi rasman qabul qilingan bo'lib, u Butunjahon antidoping
agentligining dopingga qarshi kurashish masalasida aytish kerakki, birinchi
yirik hujjatiga aylandi.
![]()
Mazkur Kodeks
antidoping siyosatining asosiy yo'nalishlarini qamrab olgan holda sportda
dopinga qarshi kurashish bo'yicha asosiy hujjat hisoblanadi. Bugungi kunda
626 ta Xalqaro tashkilotlar va 205 ta Milliy olimpiya qo'mitalari ushbu
Kodeksni imzolab, uni rasman tan olishgan. Butunjahon antidoping Kodeksi
dunyodagi barcha antidoping dasturlarini boshqaruvchi asosiy xujjat
hisoblanadi. Kodeks doirasida har bir mamlakat maxsus tadqiqotlar va
testlar o'tkazish, natijalarni tahlil etish kabi faoliyatni olib borishi
shart.
![]()
Bugungi kunda
O'zbekiston Milliy olimpiya qo'mitasi Markaziy Osiyo Mintaqaviy antidoping
tashkiloti ko'magida mazkur dasturlarni amalga oshirish va xayotga tadbiq
etish uchun masul hisoblanadi. Milliy va Mintaqaviy antidoping
tashkilotlari vakillarining yurtimizga tashrifidan ko'zlangan maqsad
O'zbekiston Respublikasi Jismoniy tarbiya va sport davlat qo'mitasi hamda
Milliy olimpiya qo'mitasi rahbarlari bilan uchrashish bo'lib, O'zbekistonda
Milliy antidoping tashkilotini tuzish imkoniyatlarini muxokama qilish edi.
Oxirgi
paytda O'zbekiston sportchilarining xalqaro maydonda erishayotgan
natijalari yuksalib borayotganini hisobga olib va ayniqsa so'nggi Olimpiya
o'yinlaridagi o'zbek sportchilarining zafarli yurishlaridan so'ng Butunjahon
antidoping agentligi (WADA) mamlakatimizda ham mustaqil Milliy
antidoping tashkilotini tuzish tashabbusi bilan chiqmoqda. O'z navbatida
O'zbekiston Respublikasi Jismoniy tarbiya va sport davlat qo'mitasi hamda
Milliy Olimpiya qo'mitasi ushbu tashabbusni qo'llab quvvatladilar.
![]()
Milliy olimpiya
qo'mitasida bo'lib o'tgan uchrashuv davomida O'zbekiston Respublikasi Jismoniy
tarbiya va sport davlat qo'mitasi hamda Milliy olimpiya qo'mitasi
mutasaddilaridan tashqari shuningdek, Respublika sport tibbiyoti
ilmiy-amaliy markazi rahbarlari va etakchi mutaxassislari ham ishtirok
etishdi.
![]()
Uchrashuv yakunida Milliy olimpiya qo'mitasi Bosh kotibi Oybek Kasimov mehmonlarga esdalik sovg'alarini topshirdi.
Havola :
Manba : Olympic.uz
Fikrlar