Butunjahon armiya o'yinlari. Dzyudochilarimiz birinchi kun 4 ta medal qo'lga kiritishdi

Musobaqada O'zbekiston sport delegaciyasi ham bir nechta sport turlari bo'yicha ishtirok etyapti. Ular orasida dzyudochilarimiz ham bor. Dzyudo musobaqasida dunyoning 57 davlatidan jami 350 nafar (232 erkak, 118 ayol) harbiy-sportchi tatamiga chiqmoqda. 

Bugun engil vazn toifalarida bellashuvlar o'tkazilib, ularda 4 nafar dzyudochimiz shoxsupaga ko'tarildi. -66 kg vazn toifasi finalida ikki yurtdoshimiz - Muhriddin Tilovov va Artyom SHturbabin o'zaro to'qnash kelishdi. O'ziga xos o'zbek derbisida SHturbabinning qo'li baland keldi. Artyom chempionlik yo'lida indoneziyalik Septian Ajiyangsyax, qatarlik Ayub Elidrissi, mo'g'ulistonlik Erxembayar Battogtox, bahraynlik Ramazan Kodjakovni mag'lubiyatga uchratgan edi. 

-73 kg vaznda yurtimiz sharafini himoya qilgan Hikmatulloh To'raev ham barcha raqiblarini mag'lubiyatga uchratib, oltin medalni qo'lga kiritdi. To'raev finalga qadar qozog'istonlik Erasil Sakenuli, shri-lankalik CHamara Repiyallaj, rossiyalik Armen Agayan, bahraynlik Askerbi Gerbekovni mag'lubiyatga uchratdi. Oltin medal uchun kechgan bellashuvda esa xitoylik Sayinjirgaladan ustun keldi.

-52 kg vaznda tatamiga chiqqan vakilamiz, yoshlar o'rtasida jahon, kattalar orasida Osiyo chempioni Diyora Keldiyorova bronza medaliga ega chiqdi. Diyora garchi ikkinchi bosqichda franciyalik Markus Tabellionga yutqazgan bo'lsa-da, o'tish bahslarida braziliyalik Valentim Eleudis, rossiyalik Darya Bobrikova, vengriyalik Katinka Jaboni mag'lubiyatga uchratdi.

SHu tariqa, Butunjahon armiya o'yinlarining dzyudo musobaqasi birinchi kungi bahslaridan so'ng terma jamoamiz 2 ta oltin, 1 ta kumush va 1 ta bronza medaliga ega bo'lib turibdi. Aynan dzyudochilarimizning medallari sabab O'zbekiston sport delegaciyasi Xitoy, Rossiya va Franciyadan so'ng umumjamoa hisobida 4-o'ringa ko'tarilib oldi.        

Uxanga yo'l olgan dzyudochilarimiz tarkibi:

-48 kg: Marjona Salohiddinova

-52 kg: Diyora Keldiyorova 

-57 kg: Amina Mamedova 

+78 kg: Rinata Ilmatova

Erkaklar

-60 kg: SHarofiddin Lutfullaev (qatnashmadi)

-66 kg: Artyom SHturbabin 

-66 kg: Muhriddin Tilovov 

-73 kg: Hikmatulloh Turaev

-81 kg: Kamoliddin Rasulov

-90 kg: Yahyo Imomov 

-100 kg: SHerali Jo'raev

+100 kg: Bekmurod Oltiboev

Murabbiylar: Bekzod To'raboev, Tohir Fayziev