Butunjahon armiya o'yinlari. Matniyazova bronza medali sohibasi!

Musobaqada O'zbekiston sport delegaciyasi ham bir nechta sport turlari bo'yicha ishtirok etyapti. Ular orasida dzyudochilarimiz ham bor. Dzyudo musobaqasida dunyoning 57 davlatidan jami 350 nafar (232 erkak, 118 ayol) harbiy-sportchi tatamiga chiqmoqda. 

Bugun o'rta va og'ir vazn toifalarida bellashuvlar o'tkazilyapti. Bundan bir necha daqiqa avval -70 kg vazn toifasida yurtimiz sharafini himoya qilgan Gulnoza Matniyazova bronza medalini qo'lga kiritdi. 

Malumot uchun, Gulnoza yarim finalga qadar mag'lubiyatsiz etib bordi. U KXDR vakilasi Kim Jin Gang, polshalik Darya Pogorzelechni mag'lub etdi va yarim finalda rossiyalik Alyona Prokopenkoga yutqazib qo'ydi. Bronza medali uchun kechgan bellashuvda esa germaniyalik Sara Maykelburgdan ustun keldi.