Butunjahon shaxmat Olimpiadasi qahramonlariga - "Spark" avtomashinalari topshirildi

Bugun ana shu Olimpiadada muvaffaqiyatli ishtirok etgan shaxmatchilarimizni taqdirlash marosimi bo'lib o'tdi. SHaxmat bo'yicha Respublika ixtisoslashtirilgan bolalar-o'smirlar sport maktabida tashkil etilgan marosimda O'zbekiston Respublikasi Bosh vaziri o'rinbosari Aziz Abduhakimov, Xalq talimi vaziri SHerzod SHermatov, Maktabgacha talim vaziri Agrepina SHin, Milliy olimpiya qo'mitasi hamda Jismoniy tarbiya va sport vazirligi mutasaddilari ishtirok etishdi.

Tadbir davomida Bosh vazir o'rinbosari Aziz Abduhakimov so'zga chiqar ekan, qo'lga kiritilgan muvaffaqiyat zamirida mamlakatimiz rahbari tomonidan sportga qaratilayotgan etibor, g'amxo'rlik turgani haqida gapirdi.

"Ushbu muvaffaqiyatingizdan Siz uchun barcha sharoitlarni yaratib berayotgan muhtaram Prezidentimiz SHavkat Miromonovich Mirziyoev juda xursand bo'ldilar. Bugun mamlakatimiz rahbari nomidan Sizlarni tabriklash men uchun katta sharafdir. Siz musobaqada shaxmat olamida o'ziga yarasha nufuzga ega bo'lgan mamlakatlar - Rossiya, Xitoy, Hindiston, Eron, shuningdek, Ukraina, Vengriya, Polsha, Moldova vakillarini mag'lubiyatga uchratdingiz. Bu esa g'alabangiz salmog'ini yanada oshirishi shubhasizdir.

Bugungi kunda mamlakatimiz rahbari tomonidan sportni rivojlantirishga alohida etibor qaratilmoqda. U kishining qo'l ostida turli islohotlar va loyihalar amalga oshirilmoqda. Bularning barchasi albatta sportchilarimizga yanada yaxshiroq sharoitlar yaratishga qaratilgan. Sizlarning xalqaro arenada qayd etgan ushbu g'alabangiz biz to'g'ri yo'lda ekanligimizni yana bir bor tasdiqladi.

Bungacha aql-idrok sohiblarimizning mazkur o'yinlarda ko'rsatgan eng yaxshi natijalari 2004 yilda bo'lgandi. O'shanda sportchilarimiz uchinchi o'ringa ega chiqqandilar. Bu safar esa siz tarixiy natijani qayd etib, oldingizga qo'yilgan vazifani alo darajada bajardingiz.

Sizlardan kelajakda umidimiz katta. Ishonamanki, erishilgan muvaffaqiyat bilan to'xtab qolmaysizlar va kelajakda o'zbek shaxmati tarixida yangi sahifa ochishda davom etasizlar", - dedi Bosh vazir o'rinbosari.

So'ngra O'zbekiston shaxmat federaciyasi raisi o'rinbosari Husan Turdaliev so'zga chiqib, yaratilgan sharoitlar uchun minnatdorchilik bildirdi.

SHundan so'ng shaxmat Olimpiadasi qahramonlari - Nodirbek Abdusattorov, Nodirbek Yoqubboev, SHamsiddin Vohidovlarga O'zbekiston Respublikasi Prezidenti sovg'asi - "Spark" avtomobillari topshirildi.

Malumot uchun, terma jamoamizning yana bir azosi, 12 yoshli Javohir Sindarov oktyabr oyida xalqaro grossmeyster unvoniga sazovor bo'lgani uchun SHavkat Mirziyoev tomonidan 3 xonali uy bilan taqdirlangandi.

Murabbiy Saydali Yo'ldoshevga esa Milliy olimpiya qo'mitasi nomidan 15 000 000 so'm miqdoridagi mukofot puli taqdim etildi.

Marosimda so'zga chiqqan Nodirbek Abdusattorov ko'rsatilayotgan bunday etibor, g'amxo'rlik uchun o'z minnatdorchiligini bildirib o'tdi. Ushbu rag'batga javoban bundan keyin ham yuksak marralarni zabt etishga vada berdi.

Taqdirlash marosimi yakuniga etganidan so'ng Bosh vazir o'rinbosari Aziz Abduhakimov va Nodirbek Abdusattorov o'rtasida shaxmat bo'yicha o'rtoqlik o'yini tashkil etildi. Do'stona ruxda kechgan uchrashuv durang hisobda yakunlandi.