Buxorolik qilichbozlar Olimpiada sovrindoridan saboq olishdi

Seminar doirasida yosh sportchilar uchun ham bir qator tadbirlar o'tkazildi.

Mixail Tishko shpaga yo'nalishi bo'yicha murabbiy bo'lib, sportchilik davrida Seul-1988 Olimpiya o'yinlarining sovrindori, 1987 yil Lozannada o'tgan jahon chempionati g'olibi bo'lgan. SHubhasiz, bunday boy tajribaga ega mutaxassisning bilimi yosh sportchilarimizning kelajakda etuk sportchi bo'lishlarida qo'l keladi. SHu maqsadda tajribali murabbiy ishtirokida trenerlar uchun seminarlar, yosh qilichbozlar uchun esa mahorat saboqlari tashkil qilindi.

Tadbirlar Buxoro viloyatidagi 2-BO'SMda tashkil etilib, unda viloyatning 7 nafar murabbiyi va 120 dan ziyod yosh qilichbozlari ishtirok etishmoqda. Seminar davomida Mixail Tishko sportchilarni musobaqaga psixologik tayyorlash, ularga beriladigan ovqatlar racionini to'g'ri tuzib chiqish, yosh sportchilarni hozirdan manaviy jihatdan tarbiyalash, sanitariya qoidalarini o'rgatish borasida o'z bilimlari bilan o'rtoqlashgan bo'lsa, yosh shpagachilar uchun jangdagi tezkor harakatlar, raqibni aldash, hujum qilishdagi to'g'ri texnikalar bo'yicha saboq berdi.