CHarlz Oliveyra BMF chempioni maqomidagi rejalari bilan bo'lishdi

Braziliyalik aralash yakkakurash ustasi kamarini engil va o'rta vazn toifasidagi har qanday raqibga qarshi himoya qilishga tayyor. Ammo uning butun etibori Iliya Topuriya va Jastin Getji o'rtasidagi birlashtiruvchi kamar jangiga qaratilgan bo'lib, uning g'olibiga qarshi oktagonga chiqmoqchi. 

"Albatta, men Oq uydagi turnirning asosiy jangini juda diqqat bilan kuzataman, unda Iliya va Getjining kamarlari birlashtiriladi. Nimani xohlashimni bilasiz: men bu kamarni istayman, shuning uchun hammasi qanday bo'lishini ko'ramiz. Hozir uyga borib, dam olaman-da, keyin nima bo'lishini kuzataman.

Menga engil vazndagi to'laqonli chempionlik kamari kerak. Men bu haqda doim gapirganman: kelinglar, Oq uydagi jangni kutamiz - men aynan shuni amalga oshirmoqchiman. Lekin yarim o'rta vaznda menga qarshi super jang qilmoqchi bo'lsangiz - marhamat, bunga ham tayyorman. O'rta vaznda xohlaysizmi - bunda muammo yo'q. Menga baribir. Xohlasangiz - Gran-pri qiling: bir kunda ikkita jang, keyin nima bo'lishini ko'ramiz", - dedi braziliyalik.