CHarlz Oliveyra muxlislardan raqib tanlab berishlarini so'radi

Braziliyalik chempion bo'lajak raqibi sifatida divizionning birinchi raqamli davogari Jastin Geytji hamda ikki vaznda sobiq UFC chempioni Konor Makgregorni ko'rmoqda. Muxlislari shu ikki nomzoddan birini tanlab berishlari lozim.

"Kelinglar, yilni ushbu so'rovnoma bilan boshlaymiz. Kimni menga raqib sifatida ko'rishni xohlardingiz?", - deya "Instagram"dagi surat va uning ostida izoh qoldirgan Oliveyra.

Eslatib o'tamiz, 32 yoshli CHarlz Oliveyra o'tgan yilning may oyida Xabibdan so'ng vakant qolgan UFC kamarini qo'lga kiritgandi. U ikkinchi raundda Maykl CHendlerni texnik nokautga uchratgan edi. Dekabr oyida esa ilk himoya jangini o'tkazdi. U uchinchi raundda Dastin Poreni bo'g'ib qo'ydi.

Ushbu g'alabadan so'ng UFC prezidenti Dana Uayt Jastin Geytjini Oliveyraning kamariga rasmiy davogar deb elon qildi. Lekin keyinroq Konor Makgregor kamar uchun jang qilish istagini bildirganidan so'ng Dana Uayt CHarlz - Konor jangini o'tkazish varianti paydo bo'ldi. 

O'z o'rnida CHarlz Oliveyra ham 7 may kuni Braziliyaning Rio-de-Janeyro shahrida o'tkaziladigan UFC 274 turnirida Konor bilan jang qilishi mumkinligini aytgan.