CHarlz Oliveyra Oq uydagi turnirida Makgregor bilan jang qilmoqchi

"Meros haqida gapirar ekanman, agar Oq uydagi turnirda jang qilish imkoni bo'lsa, bu ulkan voqea bo'lardi. Nima uchun ular u erda katta jang tashkil qilmasligi kerak? Bu ajoyib bo'lardi. Barcha jangchilar u erda jang qilishni xohlaydi deb o'ylayman. Agar men kerak bo'lsam, UFC uchun tayyorman.

Qarshimda kim bo'lishi mumkin? Hatto aytgim ham kelmaydi (kuladi). Hamma biladi — bu men va Makgregor jangidir.

Nima uchun u bilan? Albatta, pul uchun (kuladi). Men bu erdagi eng rostgo'y odamman. Mening hikoyam uydirma emas — qanday bo'lsa, shunday. Gapirish uslubimni o'zgartirmayman.

Nega Konor bilan jang qilishni xohlayapman? Moliyaviy sababga ko'ra. Bu qancha pul olib keladi deb o'ylaysiz? Katta miqdorlar. Biz katta pul haqida gapiryapmiz. Nega? Sababi shunda.

Bu u kimni mag'lub etgani yoki nima qilgani haqida emas. U men haqimda yomon gap so'zlamagan. Aksincha, men ham u haqida yaxshi fikrdaman. U jang sanati tarixiga kirgan, buyuk raqiblarni enggan. Uning o'z uslubi bor edi. Bu uslub unga katta pul, mashhurlik va sportimiz uchun foyda keltirdi.

Nega u bilan jang qilishni xohlayapman? CHunki bu menga katta pul olib keladi — haqiqat shunda. Menda unga qarshi boshqa hech narsa yo'q", — dedi Oliveyra.