CHaros Qayumova finalda! Uch nafar taekvondochimizda bronza uchun imkoniyat bor

Bugungi kungi musobaqalarda ham to'rt nafar taekvondochimiz yurtimiz sharafini himoya qilmoqda. 

-53 kg vazn toifasida CHaros Qayumova 1/8 finalda misrlik Maram Izatni 21:0 hisobida tor-mor etdi. CHorak finalda serbiyalik Tiyana Bogdanovich 22:19 hisobida mag'lub etildi. Yarim finalda braziliyalik Leonor Saraviya taslim qilindi - 23:5. Finalda CHaros germaniyalik Nadya Nutxaft Roxana bilan to'qnash keladi. 

-62 kg vazn toifasida hamyurtimiz Feruza Sodiqova musobaqani chorak finaldan boshladi. Bu bosqichda rossiyalik Yuli Turutina 8:5 hisobida mag'lub etildi. Yarim finalda esa Feruza xitoylik Jie Song bilan to'qnash keldi. Afsuski uchinchi raundda omad hamyurtimizdan yuz o'girdi va Sodiqova final ostonasida imkoniyatni boy berib qo'ydi. Endi Feruza bronza medali uchun jang qiladi. 

-54 kg vazn toifasida yurtimiz sharafini himoya qilayotgan Otabek Turg'anbekov dastlabki bosqichda koreyalik Park Yongchulni mag'lub etdi. Nimchorak finalda hamyurtimiz kuvaytlik Ali Almershad ustidan 32:10 hisobida g'alabaga erishdi. Afsuski chorak finalda Turg'anbekov braziliyalik Paulo Meloga imkoniyatni boy berib qo'ydi - 11:21. Endi Otabek bronza medali uchun kurashadi. 

-63 vazn toifasida Niyoz Po'latov ilk bosqichda qozog'istonlik Islamgali Abuov ustidan hech qanday qiyinchiliksiz g'alabaga erishdi - 24:0. So'ngra xitoylik Xairui Vang 20:17 hisobida taslim qilindi. CHorak finalda eronlik Kamron Mardanipurni 25:12 hisobida mag'lub etgan Niyoz yarim finalda franciyalik Dilan CHellamotoga yutqazib qo'ydi. Endi Po'latov bronza medali uchun bahs olib boradi. 

O'zbekiston taekvondo WT associaciyasi matbuot xizmati