CHel Sonnen: "Maxachev - Topuriya to'qnashuvi Makgregorning har qanday jangini ortda qoldiradi"

Sonnenning aytishicha, Konorning o'rniga Liga Islam Maxachev va Iliya Topuriyani tarixiy tadbirning asosiy jangi ishtirokchilari etib tayinlanishi muvaffaqiyatliroq bo'ladi. 

"Agar Konor asosiy jangda ishtirok etsa, chempionlik unvoni bo'lmasligi haqida ochiq gapiryapmiz, bu esa tarixdagi eng katta shou titul jangisiz o'tishini anglatadi. Ammo chempionlik uchun jangdan muhimroq nima bo'lishi mumkin?

Agar Jon Jons tashkilotning ishonchini qozonmoqchi bo'lsa, unda buni amalga oshirishning ko'plab usullari bor. CHunki Jons ishtirokidagi jangdan o'tadigan jang yo'q. U fevral oyida Vankuverda jang qilishi va birinchi raqamli davogar ekanligini isbotlab, yuqoriga ko'tarilishi mumkin.

Bundan tashqari, bizda allaqachon tayyor katta jang bor - bu Iliya Islamga qarshi. Topuriya Maxachevga qarshi, chempion chempionga qarshi - bu jang Konor Makgregor ishtirokidagi har qanday jangdan ustun bo'ladi", - dedi amerikalik aralash yakkakurash ustasi.

Iliya Topuriya bilan superjang haqiqatga aylanishi uchun Islam Maxachev 15 noyabr kuni Jek Della Maddalenani mag'lub etib, avstraliyalikdan yarimo'rta vazn toifasida UFC chempionlik kamarini tortib olishi kerak. Gruziyalik jangchi esa kelasi yil boshida oktagonga qaytib, o'ziga tegishli engil vazndagi chempionlik kamarini vakant qo'yishni rejalashtirmoqda.