"CHelsi" hamon 55 mln funtlik hujumchiga qiziqmoqda

26 yoshli Rafinya "Lids Yunayted"dagi ikki yillik etiborni tortadigan faoliyati tufayli Angliya Premer-ligasiga begona emas. Braziliyalik futbolchi o'tgan yozda "Barselona"ga 55 mln funtga transfer qilingan edi.

O'tgan yili "ko'klar" hujum chizig'i vakilini boy berganiga qaramay, unga bo'lgan qiziqishini yo'qotgani yo'q. SHu bilan bir qatorda, "Stemford Bridj"da Kataloniya klubi vingerini yaxshi ko'radiganlar haliyam bor.

Rafinya joriy mavsum "ko'k-anorranglilar" safida yaxshi o'yin ko'rsatib, jami 38 ta o'yinda 9 ta gol va 9 ta assist natijasini qayd etdi. Futbolchi La Liga vakili bilan 2027 yilgacha mo'ljallangan bitimga ega. Uning boshqa klubga ko'chib o'tishga xohish bildirish ehtimoli juda past. Boshqa bir ispan nashri hujumchi ushbu mavsum oxirida kelajagi borasida aniq qarorga kelishi mumkinligini aytgan edi.