CHempion Volkanovski kelajagi borasida fikr bildirdi

"Bu uzoq va qiyin qarama-qarshilik bo'ldi. Maksdan kamarni tortib olish, revansh, keyinchalik bu gaplarning barchasi faoliyatimning bir bo'lagi, tarixning bir qismi bo'lib qoldi.

Bu juda qiyin edi. Faoliyatimda o'sish va pasayishlar ko'p kuzatildi. Ko'p narsalarni boshdan kechirdim. Lekin odamlarning tanqidlariga chek qo'yish ko'ngilni xotirjam qiladi.

Qo'limdan nima kelishini, shu bilan birga divizionda nima sodir bo'layotganini bilishim kerak. Men jang qilishni xohlayman. Ammo, jarohatlar meni qiynab qo'yishi mumkin.

Men ikki vaznda UFC chempioni bo'lishni xohlayman. Hali ham jang qila olishimni isbotladim. Uch oy oldin jang qildim. Hamma chempionlar ham bunday qila olishmaydi. Mening divizionimda chempionlikka davogarlar qolmadi. SHuning uchun menga boshqa divizionni bering!", — dedi Volkanovski jangdan keyingi matbuot anjumanida.