CHendu-2021, Taekvondo. Musobaqa mezbonlari birinchilikni hech kimga bermayapti, ayollar terma jamoamiz kumush medalni qo'lga kiritdi!

Biroz avval, O'zbekiston ayollar terma jamoasi yarim finalda Koreyani mag'lub etgan holda finalga yo'l olganini malum qilgan edik. Finalga qadar AQSH, Xitoy Taypeyi, Koreya kabi kuchli terma jamoalarni musobaqadan chiqarib yuborgan qizlarimiz bu safar musobaqa mezbonlari — Xitoy termasi bilan to'qnash keldi. Jangda ishonchli harakat qilganiga qaramay, termamiz imkoniyatni boy berib qo'ydi - 23:56.

Bu O'zbekiston taekvondo terma jamoasining musobaqada qo'lga kiritgan beshinchi kumush medali bo'ldi. Termamiz hisobida, shuningdek, ikkita bronza medali ham mavjud. 

O'zbekiston delegaciyasi hisobida esa hozircha 8 ta kumush va 4 ta bronza medali bor.

Malumot uchun, bu taekvondo terma jamoamiz vakillarining CHendu Universiadasi doirasidagi so'nggi chiqishi bo'ldi.