CHerman Valiev Razambek Jamalovga qarshi Parijdagi "jang" haqida: "SHubhasiz, g'alaba qozongandim"

"O'ylaymanki, men bu ikki kun ichida borimni berdim va qo'limdan kelganini qildim. Bor kuchimni ishga solib, gilam ustida borimni sarfladim. Avval aytganimdek, Parijda to'rtta jang o'tkazdim va ularning to'rttalasida ham g'alaba qozondim. SHu kungacha janglarni qaytadan ko'rib chiqdim va hech qanday shubhasiz, g'alaba qozonganimga amin bo'ldim. Agar mening o'rnimda boshqa polvon bo'lganida ham, u jangni boshqarayotganda himoyalanardi. Men gilamdan qochmadim, men shunchaki himoyalandim va bu qoidalar doirasida bo'lgandi.

[Bronza medali uchun bahsda] Istanbuldagi [Jahon Olimpiya saralashida] o'sha mag'lubiyat uchun qasos olishga hissiy turtki oldim. O'sha paytda men undan ustun ekanligimni isbotlashim juda muhim edi. Men o'sha jangga juda qatiyatli bo'lib chiqdim va bor etiborimni jamladim. Xullas, Parijda Viktorni 6:2 hisobida ishonchli mag'lub etdim", dedi Valiev.

Eslatib o'tamiz, Razambek Jamalov hamda CHerman Valiev Parij Olimpiadasi chorak finali doirasida to'qnash kelishgandi. Bellashuvda hamyurtimiz 6:5 hisobida g'alabani ilib ketgandi.