CHimaev Adesanya va Usmanni mag'lub eta oladi

UFC jangchisi yarimo'rta va o'rta vazn toifalarida oktagonga chiqib kelmoqda. U ushbu vazn chempionlari Israel Adesanya va Kamaru Usman bilan jang qilish imkoniyatlari haqida gapirdi.

"O'ylashimcha, chempionlik jangiga yana ikkita jang qoldi. Har ikki chempion bilan bir UFC oqshomida jang qilishga tayyorman. Men uchun o'zim uchun allaqachon MMAni kashf qilib bo'lganman. Fyodor Emelyanenkoning o'zidan deyarli ikki baravar gavdasi katta Kevin Rendelmanga qarshi kechgan jangi kunidan etiboran MMAni yaxshi ko'rib qolganman. O'shanda men erkin kurash bilan shug'ullanardim. Lekin SHveciya pasporti yo'qligi uchun jahon chempionatida qatnasha olmaganman. Keyin do'stim o'zimni MMAda sinab ko'rish taklifini bergandi. 

Kamaru Usman — yaxshi jangchi, lekin unda mendagi kabi nokautbop zarbasi yo'q. Uning kurash usuli ham meniki singari kuchli emas. Agar zalda yaxshigina mashg'ulot o'tkazsam, kurashda meni hech kim mag'lub eta olmaydi. 

Adesanya — "stoyka"da yaxshi. Raqiblaridan hech kim u bilan kurashda jang qilmagan. Yoel Romero Israel bilan jangda uch yoki to'rtta zarba bera oldi, xolos. O'ylaymanki, uni faqat men mag'lub eta olaman. Men uni parterga tushirganimda o'rnidan tura oladimi? Bilmadim. Lekin men uning yuzini bejab qo'yishim aniq", — deya UFC Russia kanaliga intervyu bergan Xamzat CHimaev.