CHimaevning murabbiyi: "Amerikaliklar Kavkaz yigitlariga qarshi jang qilishni istashmaydi"

"SHov-shuv biroz pasaydi, lekin biz hali ham brendni saqlab qolyapmiz. Jangchilar Kavkaz yigitlariga qarshi oktagonga chiqishni istashmaydi. Bu yigitlarga mintaqaviy tashkilotlarda raqib topish juda qiyin. Ko'pchilik jangchi qaerdan ekanligini bilib rad javobini beradi. Yangi avlod jangchilari o'zlarining rekordlarini qadrlashadi va tavakkal qilishni xohlashmaydi. Hamma jangga g'alabaga ishonch bilan chiqishni istaydi.

Men SHtatlarga kelganimda, dastlabki ikki yil deyarli har hafta kikboksing, greppling va kurash bo'yicha musobaqalarda qatnashardim. Bu to'g'ri edi, musobaqa mashg'ulot jarayoniga o'xshardi. Mag'lub bo'lsang ham hammasi joyida edi. Zaif tomonlarimizni bilib, shuning ustida mashq qilar edik. Hozirgi avlod esa yutqazishdan qo'rqadi. Hamma joyda ijtimoiy tarmoq foydalanuvchilari va sening videolaringni hamma ko'rishi mumkin. 

Ular havaskor paytida o'sish uchun barcha variantlarni — sabmishen, g'alaba, mag'lubiyat, nokdaun va hokazolarni boshdan kechirishlari kerak ekanligini tushunishmaydi. SHundagina ular professional bo'lganida, ularni hech narsa hayratda qoldira olmaydi. Ular allaqachon har tomonlama tajribaga ega bo'ladi", - dedi Dugulubgov.