CHirchiqda besh tashabbus doirasida tadbir o'tkazildi FOTOGALEREYA

O'zbekiston talabalar sporti associaciyasi tashabbusi bilan hamda Toshkent viloyati kasbiy talimni rivojlantirish va muvofiqlashtirish boshqarmasi, CHirchiq shahar hokimligi, CHirchiq shahar sektor rahbarlari, CHirchiq shahar jismoniy tarbiya va sport bo'limi, O'zbekiston “Adolat” SDP Toshkent viloyati kengashi, Xalq deputatlari CHirchiq shahar kengashi deputatlari hamkoriligida bo'lib o'tgan sport tadbirda dastlab, belgilangan dasturga muvofiq, dastlab, ertalabki badantarbiya mashg'ulotlari o'tkazildi.

SHundan so'ng sportning stritbol, stol tennisi, badminton, shaxmat-shashka turlari bo'yicha bellashuvlarga start berildi.

Murosasiz o'tgan bellashuvlar yakunida har bir sport turidan g'oliblar aniqlanib, tashkilotchilar tomonidan diplom, medal va esdalik sovg'alari bilan mukofotlanishdi.  

SHuningdek, tadbir davomida 5 ta muhim tashabbus doirasidagi yoshlarning musiqa, rassomlik, adabiyot, teatr va sanat turlariga qiziqtirish, aholi va yoshlar o'rtasida kompyuter texnologiyalari va internetdan samaralari foydalanishni tashkil etish, yoshlar manaviyatini yuksaltirish, ular o'rtasida kitobxonlikni keng targ'ib qilish, xotin-qizlarni ish bilan taminlash masalalari bo'yicha ham alohida  ko'rgazmali chiqishlar, ochiq darslar namoyish etildi.

Tadbir so'nggida ishtirokchilar kasb-hunar maktabi jamoasiga munosib tayyorgarlik ishlari uchun minnatdorchilik bildirishdi.

Ilhom RAHMONOV tayyorladi