CHisora Tayson Fyuri bilan trilogiyada hakamlarning adolatli bo'lishiga umid qilmoqda

2014 yil noyabr oyida bo'lib o'tgan revansh jangida CHisora texnik nokaut bilan mag'lub bo'lgan edi. Ammo, Fyurining o'zi jarohatlar tufayli avvalgidek boks bilan shug'ullana olmaganini tan oldi.

"U bilan oxirgi marta jang qilganimda u yaxshiroq deb o'ylagan edim. Hozir men undan yaxshiroqman. O'tgan safar u kuchliroq edi. Tayson yaxshi bokschi, bunga qarshi chiqmayman. Agar u ahmoqlik qilmasa, o'z ishini yaxshi bajaradi. Lekin men ham o'z ishimning ustasiman", - dedi CHisora.

SHuningdek, CHisora bu jangda hakamlar 2020 yilda Aleksandr Usikka qarshi jangdan ko'ra unga nisbatan adolatliroq bo'lishiga umid bildirdi.

"To'g'risini aytsam, Usikka qarshi jangda g'alaba qozongan edim. Men uni nokdaun holatiga tushirgandim, lekin u hisobga olinmadi. SHunchaki, 3 dekabr kuni halol hakamlar bo'ladi deb umid qilaman. Men shunchaki odamlarni halol bo'lishini xohlayman. SHuning uchun hammasi adolatli bo'lishini istayman", - deya qo'shimcha qildi CHisora.