Cindao “Masters”. Bugun besh nafar dzyudochimiz tatamiga chiqadi

Dunyoning 5 qitasi 68 mamlakatidan jami 454 nafar dzyudochi ishtirok etadigan musobaqada O'zbekiston terma jamoasining 11 azosi ham medallar hamda Tokio-2020 Olimpiadasi yo'lidagi muhim reyting ochkolari uchun bahslarga kirishadi. 

Bugun  bir yo'la 5 nafar dzyudochimiz Cindao tatamilarida o'z mahoratini namoyish etadi. Reytingi eng yuqori bo'lgan dzyudochimiz, jahon chempionatining kumush medali sovrindori SHarofiddin Lutfullaev ilk davrada xitoylik Rilege Suga qarshi tatamiga chiqadi. 

-60 kg vazndagi ikkinchi dzyudochimiz, Rio-2016 Olimpiadasining bronza medali sohibi Diyorbek O'razboev esa amaldagi jahon chempioni, gruziyalik Lukxumi CHxvimiani bilan hisob-kitob qiladi. O'razboev bugun Lukxumidan SHarofiddin uchun revansh olishga urinib ko'radi. Har bir vazn g'oliblari 1800 reyting ochkosiga ega chiqadi. 

-60 kg: 

SHarofiddin Lutfullaev - Rilege Su (Xitoy) birinchi davra

Diyorbek O'razboev - Lukxumi CHxvimiani (Gruziya) birinchi davra

-66 kg: 

SHahram Ahadov - Mixail Pulyaev (Rossiya) ikkinchi davra

Sardor Nurillaev - Matteo Medves (Italiya) ikkinchi davra

-52 kg: 

Diyora Keldiyorova - SHarlin Van Snik (Belgiya) birinchi davra