02 avg 16:42
Yangiliklar

Boks/MMA

Dana Uayt Usman Nurmagomedovni UFC'ga jalb qilish haqidagi savolga bitta so'z bilan javob berdi

UFC prezidenti Dana Uayt PFL New York turnirida Archi Kolganni mag'lub etgach erkin agentga aylangan Usmon Nurmagomedov bilan shartnoma tuzish ehtimoliga ishora qildi.

Belgrad shahrida bo'lib o'tgan UFC turniridan keyingi matbuot anjumanida Uaytdan rossiyalik jangchiga qiziqishi haqida so'raldi. UFC rahbari bu savolga bir so'z bilan javob berdi:

— Albatta.

SHu bilan birga, u javobini ayyor tabassum bilan kuzatib qo'ydi. Keyinroq esa ijtimoiy tarmoqlarda ushbu voqea aks etgan videoga javob tariqasida kulgu emojisini joylashtirdi.

Eslatib o'tamiz, Usmon Nurmagomedov PFL engil vazn toifasidagi chempionlik unvonini himoya qilib, Archi Kolganni birinchi raundning o'zida nokautga uchratgan edi. Bu jang uning tashkilot bilan amaldagi shartnomasi doirasidagi so'nggi bahsi bo'ldi.