29 iyu 19:01
Yangiliklar

Boks/MMA

Dana Uayt Yan - O'Melli jangi g'oyasi kimdan chiqqanini aytdi

UFC prezidenti Dana Uayt Petr Yan va SHon O'Melli jangi tashkillashtirilishi kerakligiga uni kim ishontirganini ochiqladi.

"Bu jangni haqiqatan ham SHon SHelbi tashkillashtirdi. SHon SHelbi bu jang bo'lishini xohlagan edi. Men esa unga: "Aqling joyidami? Hozir bu jangni o'tkaza olmaysan", - dedim. U menga bu jangni tashkillashtirishning sababini hamda O'Mellining bu jangga tayyorligini aytdi. Bilaman, O'Melli oktyabr oyida 28 yoshga to'ladi, hozir uning eng "gullagan" davri.

Ohir-oqibat u bu jangning tashkillashtirilishi kerakligiga ishontira oldi. Muhimi, ikkalasi ham bu jang bo'lishini xohlayapti. Bu jangni elon qilganimizda, hamma aqldan ozdi. Bu haqiqatan ham yaxshi jang bo'ladi", - dedi Uayt matbuot anjumanida.