14 may 09:57
Yangiliklar

Boks/MMA

Dana Uayt yarimo'rta vaznga o'tgan Islam Maxachevning jangini tasdiqladi

Teglar : Islam Maxachev Jek Della Maddalena

Ultimate Fighting Championship (UFC) rahbari Dana Uayt jonli efirda engil vazndagi UFC chempionlik kamarini vakant qoldirgan Islam Maxachevning navbatdagi jangi haqida gapirdi.

Promoushenning 54 yoshli prezidenti Maxachev engil (70 kg) vazndagi kamarini egasiz qoldirib, yarimo'rta vazn (77 kg) toifasiga o'tganini rasman tasdiqladi. U endi avstraliyalik Jek Della Maddalenaga qarshi yarimo'rta vazn chempionligi uchun oktagonga chiqadi. CHempionlik jangi sanasi va manzili kechroq elon qilinadi.

Malumot uchun, yakshanba tongida Monreal (Kanada) shahrida o'tgan UFC 315 turnirining asosiy jangida Maddalena endilikda sobiq chempion Belal Muhammadni ochkolar hisobiga ko'ra mag'lubiyatga uchratib, yarimo'rta vaznning yangi chempioniga aylangandi.

Maxachev esa so'nggi jangini 18 yanvar kuni Los-Anjeles (Kaliforniya shtati, AQSH) shahrida tashkil etilgan UFC 311 turniri doirasida braziliyalik Renato Moykanoga qarshi o'tkazib, raqibini birinchi raunddayoq bo'g'ib qo'ygandi.