22 may 09:28
Yangiliklar

Tennis

Daniil Medvedev Rim "Masters" chempioni + FOTO

Italiya poytaxti Rim shahrida o'tkazilgan "Masters" seriyasiga kiruvchi nufuzli turnir Daniil Medvedevning g'alabasi bilan yakunlandi.

Dunyoning uchinchi raketkasi hal qiluvchi final uchrashuvida ATP reytingining ettinchi pog'onasida borayotgan daniyalik Xolger Runeni ikki setda ham bir xil hisobda mag'lubiyatga uchratdi - 7/5, 7/5.

Rossiyalik tennischi o'zaro uchrashuvlardagi hisob muvozanatini tikladi - 1:1. Medvedev 101 daqiqa davom etgan bahsda 5, Rune esa 2 ta eys zarbasini amalga oshirgan. Qo'shxatolar soni Daniilda ko'proq bo'ldi 4 ga 1.

Etiborlisi, Medvedev faoliyatida ilk bor grunt qoplamali turnirda bosh sovrinni qo'lga kiritdi. Bu uning faoliyatidagi 20, "Masters"lardagi oltinchi sovrini bo'ldi.

Daniil Rimdagi muvaffaqiyatli ishtirokidan 1000 reyting ochkosi hamda 1,105,265 evro mukofot puli ishlab oldi. Rune esa 600 ochko va 580,000 evroga ega bo'ldi.