Daniya - gandbol bo'yicha jahon chempioni!

Hisob bo'yicha 26-jahon chempionati 10 yanvar kuni Germaniyaning Berlin hamda Daniyaning Xerning shaharlarida start olgan edi. Musobaqa tarixida ilk bor jahon chempionati ikki mamlakatda tashkil etildi. 

To'rtta guruhda o'tkazilgan musobaqa yakunida ushbu sport turi vatani hisoblangan Daniya terma jamoasi o'z tarixida ilk bor jahon chempioniga aylandi. SHu bilan birga birinchilardan bo'lib, Tokio-2020 Olimpiya o'yinlariga to'g'ridan-to'g'ri yo'llanmani ham qo'lga kiritdi. 

Daniya terma jamoasi Xerning shahrida o'tgan hal qiluvchi final uchrashuvida norvegiyalik qo'l to'pi ustalarini yirik 31:22 hisobida taslim etishdi. G'olib jamoa tarkibida Mikkel Xansen raqib darvozasini etti bor ishg'ol qilib, musobaqaning eng foydali o'yinchisi deb topildi. 

Daniya Rio-2016 o'yinlarida Olimpiada chempioni bo'lgan edi. 2008 va 2012 yillarda esa Evropa chempionatini yutgan. Ular ilk bor jahon chempioni degan nomga sazovor bo'lishdi. Germaniyadan bir ochko farq, yani 26:25 hisobida ustun kelgan Franciya terma jamoasi jahon chempionatining bronza medalini qo'lga kiritdi.