Darren Till CHimaev uchun yarimo'rta vazndagi eng xavfli raqibni aytdi

Yarimo'rta vazn toifasida UFC chempionligiga sobiq davogar, britaniyalik Darren Till shveciyalik jamoadoshi Xamzat CHimaev uchun mazkur vaznda eng xavfli raqib kim ekanini aytdi.

"Agar men yarimo'rta vazndagi eng qiyin jangni aytishim kerak bo'lsa, bu Leon Edvards bilan bo'ladi, derdim. Men Xamzatning Leon bilan uchrashishidan oldin yana bir jang qilishini istardim", - dedi Till Chamatkar Sandhu YouTube kanaliga bergan intervyusida.

Eslatib o'tamiz, CHimaev so'nggi bor o'tgan yilning sentyabr oyida amerikalik Kevin Xollandga qarshi jang qilib, g'alaba qozongan edi. Edvards esa mart oyida nigeriyalik Kamaru Usmanni hakamlarning yakdil qarori bilan mag'lub etib, chempionlik unvonini ilk bor himoya qilgan edi.